काठमाडौँ: हाल नेपालमा कुनै उल्लेखनीय मौसम प्रणालीको प्रभाव छैन। जल तथा मौसम विज्ञान विभागका अनुसार देशका पहाडी भूभागमा आंशिक बदली रही बाँकी क्षेत्रमा मौसम सामान्यतया सफा रहनेछ।
आज दिउँसो कोशी, बागमती र गण्डकी प्रदेशका पहाडी क्षेत्रमा आंशिक बदली रहनेछ भने अन्य ठाउँको मौसम सफा रहनेछ। राति कोशी र गण्डकी प्रदेशका केही पहाडी क्षेत्रमा आंशिक बदली भए पनि बाँकी भूभाग खुला रहनेछ।
विभागका अनुसार आगामी २४ घण्टामा देशभर कतै पनि वर्षा वा हिमपातको सम्भावना छैन। साथै, विभागले मौसमसम्बन्धी अद्यावधिक जानकारी लिएर मात्र योजना बनाउन अनुरोध गरेको छ।
