काठमाडौँ, १८ जेठ— हाल देशको पश्चिमी र मध्य भूभागमा पश्चिमी तथा स्थानीय वायुले प्रभाव जमाएको छ भने कोशी प्रदेशका अधिकांश क्षेत्रमा मनसुनी वायु सक्रिय रहेको जल तथा मौसम पूर्वानुमान महाशाखाले जनाएको छ।
आज दिउँसो कोशी, मधेस, बागमती र गण्डकी प्रदेशसहित देशका पहाडी क्षेत्रहरूमा आंशिकदेखि सामान्य बदली रहनेछ भने बाँकी भूभागमा मौसम सामान्यतः सफा वा आंशिक बदली रहनेछ। ती क्षेत्रका केही स्थानहरूमा मेघगर्जन, चट्याङसहित हल्कादेखि मध्यम वर्षाको सम्भावना रहेको छ। साथै, उच्च पहाडी तथा हिमाली क्षेत्रमा केही स्थानमा हल्का वर्षा र हिमपातको सम्भावना पनि रहेको महाशाखाले जनाएको छ।
महाशाखाका अनुसार आज राति पनि देशभर आंशिकदेखि सामान्य बदलीको अवस्था रहनेछ। विशेषगरी कोशी, मधेस, बागमती र गण्डकी प्रदेशका पहाडी भागमा मेघगर्जन र चट्याङसहित हल्कादेखि मध्यम वर्षाको सम्भावना छ। देशका उच्च पहाडी र हिमाली क्षेत्रमा हल्का वर्षा तथा हिमपात हुन सक्ने पूर्वानुमान गरिएको छ।
