काठमाडौँ: देशभर पश्चिमी र स्थानीय वायुको प्रभाव कायम छ, जसका कारण पहाडी क्षेत्रको मौसम आंशिक बदली रहेको छ भने अन्य भागहरूमा मौसम मुख्यतया सफा छ।
आज दिउँसो देशका पहाडी भूभागमा आंशिक बदली रहँदा अन्य स्थानमा आंशिक बदलीदेखि मौसम मुख्यतया सफा रहनेछ। कोशी, गण्डकी, र सुदूरपश्चिम प्रदेशका केही पहाडी क्षेत्रहरूमा चट्याङ्गसहित हल्का वर्षाको सम्भावना रहेको छ।
राति पनि देशका पहाडी भूभागमा आंशिक बदली रहिरहनेछ, जबकि अन्य भूभागमा आंशिक बदलीदेखि मौसम मुख्यतया सफा रहने अपेक्षा गरिएको छ।
कोशी, गण्डकी र सुदूरपश्चिम प्रदेशका पहाडी भूभागका एक–दुई स्थानमा हल्का वर्षा हुने सम्भावना रहेकाले कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्न सक्ने भन्दै आवश्यक सतर्कता अपनाउन महाशाखाले अनुरोध गरेको छ।
