Friday, February 7, 2025
Homeसामाचारआकर्षक रोजगारीको प्रलोभनमा नपर्न नेपाली दूतावास बैंककको आग्रह

आकर्षक रोजगारीको प्रलोभनमा नपर्न नेपाली दूतावास बैंककको आग्रह

काठमाडौँ, ५ माघः नेपाली दूतावास, बैंककले नेपाली नागरिकलाई आकर्षक रोजगारीको प्रलोभनमा परी कम्बोडिया, लाओस, म्यानमार, थाइल्याण्डलगायतका देशमा नआउन आग्रह गरेको छ।

दूतावासले एक सूचनामार्फत ती देशहरूमा आकर्षक रोजगारीको नाममा नेपाली नागरिकलाई दुःख र शोषणको शिकार बनाइएको र कतिपय अवस्थामा बन्धकसमेत बनाइएको जनाएको छ।

दूतावासले म्यानमारको गोल्डन ट्रयाङ्गल क्षेत्रमा गैरकानुनी काम गर्न बाध्य पारिएका एक नेपाली नागरिकलाई थाइल्याण्डको सरकारी निकायको सहयोगमा उद्दार गरी शुक्रबार नेपाल फर्काइएको जानकारी दिएको छ।

सुझाव र आग्रह
दूतावासले सबै नेपालीलाई सरकारको तोकिएको मापदण्डअनुसार श्रम स्वीकृति लिएर मात्र वैदेशिक रोजगारीमा जान र कानुनविपरीत छिटो धेरै पैसा कमाउने प्रलोभनमा नपर्न विशेष अनुरोध गरेको छ।
कम्बोडिया, लाओस, म्यानमार, र थाइल्याण्डलगायतका देशहरूमा आकर्षक रोजगारीको नाममा जाने जोखिमपूर्ण हुन सक्ने हुँदा सचेत रहन दूतावासले आग्रह गरेको छ।

सावधानीका उपाय

वैदेशिक रोजगारीका लागि श्रम स्वीकृतिसहित मात्र यात्रा गर्नुहोस्।
गैरकानुनी गतिविधिमा संलग्न हुन दबाब आउने कुनै पनि प्रस्तावलाई अस्वीकार गर्नुहोस्।
शंकास्पद प्रलोभनबाट जोगिनुहोस् र आधिकारिक जानकारी प्राप्त गरी मात्र निर्णय गर्नुहोस्।
दूतावासले यस विषयमा आवश्यक सहयोग र जानकारीका लागि सम्पर्क गर्न सकिने पनि जनाएको छ।

सम्बन्धित समाचार

LEAVE A REPLY

Please enter your comment!
Please enter your name here

- Advertisment -spot_img

ताजा समाचार

धेरै कमेन्ट गरिएका