काठमाडौं । अमेरिकी सरकारले बन्द (शटडाउन) गरेपछि देशभरका एयरलाइन्सहरूले हवाई ट्राफिक घटाउन बाध्य भएका छन्, जसको परिणामस्वरूप शुक्रबार मात्र ५,००० भन्दा बढी उडान रद्द वा ढिलाइ भएका छन्।
यो अवस्थाले ४० भन्दा बढी व्यस्त विमानस्थलका घरेलु उडानहरूमा प्रत्यक्ष असर पारेको छ। अधिकारीहरूले भने हवाई ट्राफिक नियन्त्रकहरू (एयर ट्राफिक कन्ट्रोलर) माथिको दबाब कम गर्न विभिन्न उपाय अपनाइरहेको बताएका छन्।
शटडाउनका कारण धेरै नियन्त्रकहरू बिरामी बिदामा रहेका वा अन्यत्र रोजगारी खोजिरहेका छन्। संघीय सरकार बन्द हुँदा उनीहरूलाई तलब बिना काम गर्न बाध्य हुनुपरेकोले कार्यबल अभाव झन् गहिरिँदै गएको छ।
संघीय उड्डयन प्रशासन (एफएए) का अनुसार प्रारम्भिक चरणमा घरेलु उडान कटौती चार प्रतिशत हुने र आगामी साताको अन्त्यसम्म यसलाई १० देखि २० प्रतिशतसम्म पुर्याउन सकिने बताइएको छ।
