काठमाडौँ: सन् २०२४ को तथ्याङ्कअनुसार चीनमा ८६ हजार थियटर पर्दा रहेका छन्। चिनियाँ चलचित्रकर्मीको भनाइलाई आधार मान्दा, चलचित्रका लागि विश्वकै ठूलो बजार चीन हो। त्यहाँ एक वर्षमा विदेशी चलचित्र प्रदर्शन गर्न पाउने संख्या मात्र ३४ छ।

भारतको सर्वाधिक व्यापारिक सफलता हासिल गर्ने चलचित्र ‘दङ्गल’ पनि चीनमा प्रदर्शन भएकै कारण इतिहास रच्न सफल भएको थियो। भारतीय मात्र नभई हलिउडका चलचित्रसमेत चीनमा सीमित मात्रामा प्रदर्शन हुने गरेका छन्। यस्तो अवस्थामा, नेपाली चलचित्र चीनमा प्रदर्शन गर्न सकिन्छ त?

नेपालमा पुस २५ मा चाइना फिल्म एडमिनिस्ट्रेशन, यहाँस्थित चिनियाँ राजदूतावास, चाइना फिल्म आर्काइभ र नेपाल चलचित्र तथा सांस्कृतिक प्रतिष्ठानको संयुक्त आयोजनामा पहिलोपटक ‘चीन चलचित्र दिवस’ सम्पन्न भयो। कार्यक्रममा सहभागी हुन आएका वितरक कम्पनी टाइगर पिक्चर्स इन्टरटेनमेन्टका उपप्रमुख ओवेन यङले पछिल्ला केही वर्षमा नेपाली चलचित्रले राम्रो प्रगति गरेको बताउनुभयो।

उहाँले भन्नुभयो, “मैले हङकङ र अमेरिकाको बजारमा नेपाली चलचित्रका बारेमा सुनेको छु। विशेषतः द्वन्द्वप्रधान र सामाजिक ‘ड्रामा’का चलचित्रमा गुणस्तर वृद्धि भएको महसुस गरेको छु। यसकारण, नेपाली चलचित्रको भविष्य उज्ज्वल देखिन्छ। यस्ता महोत्सवमार्फत कला र संस्कृतिसँगै चलचित्रका लागि नयाँ बजार खोज्न सकिन्छ। नेपालीका लागि चीनको बजार नयाँ छ भने, चीनका लागि नेपाल पनि नयाँ नै छ।”

चिनियाँ दर्शकले रोमान्टिक, एक्सन र थ्रिलर विधाका चलचित्र रुचाउने जानकारी दिँदै, यङले आउँदो मार्चमा हङकङ र बेइजिङमा हुने चलचित्र महोत्सवमा सहभागी भएर नेपाली चलचित्रको प्रचार गर्न र स्थानीय वितरकसँग सहकार्यका सम्भावना खोज्न सुझाव दिनुभयो।

उहाँले थप्नुभयो, “चीनमा प्रदर्शन हुने विदेशी चलचित्रले राम्रो व्यापार गरेका छन्। नेपाली चलचित्रकर्मीले पनि छायाङ्कनअगावै चीनमा पुगेर स्थानीयसँग सहकार्य गरेमा नयाँ सम्भावना खुल्नेछ। स्थानीय सहभागिताले प्रदर्शनलाई सहज बनाउँछ।”

वितरक यङले निकट भविष्यमा नेपाली चलचित्रकर्मीहरूसँग सहकार्य गर्ने विश्वास व्यक्त गर्नुभयो। चाइना फिल्म एडमिनिस्ट्रेसनका अन्तर्राष्ट्रिय विभाग निर्देशक सु याङले गत वर्ष नेपालमा प्रदर्शन भएका ‘पूर्णबहादुरको सारङ्गी’ र ‘१२ गाउँ’ सफल भएकाले नेपाली चलचित्रकर्मीले चीनको बजारमा प्रयास गर्नुपर्ने सुझाव दिनुभयो।

उहाँले भन्नुभयो, “हाम्रो चिनियाँ चलचित्र उद्योग सबैका लागि खुला छ। यस्ता महोत्सवले दुई देशका चलचित्रबीच आदानप्रदान गर्ने अवसर सिर्जना गर्छ। नेपाली चलचित्रकर्मीले पहल गर्नुभयो भने चीन नेपाली चलचित्रका लागि सम्भावित बजार बन्न सक्छ।”

सु याङले चिनियाँ चलचित्रले नेपालको सुन्दरतालाई विश्वभर पुर्याउँदै पर्यटन प्रवर्द्धनमा भूमिका खेल्दै आएकोमा जोड दिनुभयो। नेपाल चलचित्र तथा सांस्कृतिक प्रतिष्ठानका अध्यक्ष एवं चलचित्र निर्देशक केपी पाठकले ‘चीन चलचित्र दिवस’ले दुई देशबीच चलचित्र बजारको सम्भावनालाई गति दिएको बताउनुभयो।

उहाँले भन्नुभयो, “यस किसिमको कार्यक्रम पहिलोपटक भएको हो। यसले दुई देशबीच निकटता मात्र बढाएको छैन, चलचित्र आदानप्रदानका लागि संवादको वातावरण पनि सिर्जना गरेको छ। हामीले चीनमा चलचित्र पुर्याउन सके हाम्रो चलचित्र उद्योगले नयाँ युगको सुरुवात गर्नेछ।”

‘चीन चलचित्र दिवस’का लागि प्रसिद्ध अभिनेत्री यु हङ, चाइना फिल्म एडमिनिस्ट्रेसनका बजार विभाग उपनिर्देशक झेङ झेङ, निर्देशक जिङ जिआओ, पटकथा लेखक लु वेइ, निर्देशक झाङ गुदोङ, निर्देशक झाङ युडीसहित १४ जना चिनियाँ चलचित्रकर्मी नेपाल आएका थिए।

काठमाडौँ: नेपाल राष्ट्र बैङ्कले आजका लागि विदेशी मुद्राको विनिमय दर निर्धारण गरेको छ । राष्ट्र बैङ्कले निर्धारण गरेको दर अनुसार आज पुनः अमेरिकी डलरको मूल्य उकालो लागेर हालसम्मकै उच्च बिन्दुमा पुगेको छ ।

यस्तै, अधिकांश विदेशी मुद्राको भाउमा आज वृद्धि भएको छ । विनिमयदर अनुसार, युरोपियन युरो, युके पाउन्ड स्ट्रलिङ, अष्ट्रेलियन डलर, सिङ्गापुर डलर, चिनियाँ युआन, साउदी अरेबियन रियाल, कतारी रियाल, थाई भाट, युएई दिराम, मलेसियन रिङ्गेट, स्विडिस क्रोनर,डेनिस क्रोनर, हङकङ डलर, कुवेती दिनार, बहराइन दिनार, ओमनी रियालको मूल्य बढेको छ ।

निधौरित विनिमयदर अनुसार, अमेरिकी डलर एकको खरिदर एक सय ३७ रुपैयाँ २५ पैसा र बिक्रीदर एक सय ३७ रुपैयाँ ८५ पैसा कायम भएको छ । युरोपियन युरो एकको खरिदर एक सय ४१ रुपैयाँ ४० पैसा र बिक्रीदर एक सय ४१ रुपैयाँ ०२ पैसा, युके पाउन्ड स्ट्रलिङ एकको खरिदर एक सय ६८ रुपैयाँ ७४ पैसा र बिक्रीदर एक सय ६९ रुपैयाँ ४८पैसा, स्विस फ्र्याङ्क एकको खरिदर एक सय ५० रुपैयाँ १६ पैसा र बिक्रीदर एक सय ५० रुपैयाँ ८२ पैसा कायम गरिएको छ ।

अष्ट्रेलियन डलर एकको खरिदर ८४ रुपैयाँ ९५ पैसा र बिक्रीदर ८५ रुपैयाँ ३२ पैसा, क्यानेडियन डलर एकको खरिदर ९५ रुपैयाँ २९ पैसा र बिक्रीदर ९५ रुपैयाँ ७१ पैसा, सिङ्गापुर डलर एकको खरिदर एक सय रुपैयाँ ३४ पैसा र बिक्रीदर एक सय रुपैयाँ ७७ पैसा निर्धारण गरिएको छ ।

जापानी येन १० को खरिदर आठ रुपैयाँ ६८ पैसा र बिक्रीदर आठ रुपैयाँ ७२ पैसा, चिनियाँ युआन एकको खरिदर १८ रुपैयाँ ७२ पैसा र बिक्रीदर १८ रुपैयाँ ८० पैसा,साउदी अरेबियन रियाल एकको खरिदर ३६ रुपैयाँ ५६ पैसा र बिक्रीदर ३६ रुपैयाँ ७२ पैसा, कतारी रियाल एकको खरिददर ३७ रुपैयाँ ६५ पैसा र बिक्रीदर ३७ रुपैयाँ ८१ पैसा कायम भएको छ ।

केन्द्रीय बैङ्कका अनुसार थाई भाट एकको खरिदर तीन रुपैयाँ ९७ पैसा र बिक्रीदर तीन रुपैयाँ ९९ पैसा,े युएई दिराम एकको खरिदर ३७ रुपैयाँ ३७ पैसा र बिक्रीदर ३७ रुपैयाँ ५३ पैसा, मलेसियन रिङ्गेट एकको खरिदर ३० रुपैयाँ ५२ पैसा र बिक्रीदर ३० रुपैयाँ ६६ पैसा,साउथ कोरियन वन एक सयको खरिददर नौ रुपैयाँ ३५ पैसा र बिक्रीदर नौ रुपैयाँ ३९ पैसा, स्विडिस क्रोनर एकको खरिदर १२ रुपैयाँ ३१ पैसा र बिक्रीदर १२ रुपैयाँ ३६ पैसा र डेनिस क्रोनर एकको खरिदर १८ रुपैयाँ ९५ पैसा र बिक्री दर १९ रुपैयाँ ०३ तोकिएको छ ।

राष्ट्र बैङ्कले हङकङ डलर एकको खरिदर १७ रुपैयाँ ६३ पैसा र बिक्रीदर १७ रुपैयाँ ७१ पैसा, कुवेती दिनार एकको खरिदर चार सय ४४ रुपैयाँ ९९ पैसा र बिक्रीदर चार सय ४६ रुपैयाँ ९३ पैसा, बहराइन दिनार एकको खरिदर तीन सय ६४ रुपैयाँ ०८ पैसा र बिक्रीदर तीन सय ६५ रुपैयाँ ६७ पैसा, ओमनी रियाल एकको खरिदर तीन सय ५६ रुपैयाँ ५२ पैसा र बिक्रीदर तीन सय ५८ रुपैयाँ ०८ पैसा तथा भारतीय रुपैयाँ एक सयको खरिदर एक सय ६० रुपैयाँ र बिक्रीदर एक सय ६० रुपैयाँ १५ पैसा तोकेको छ ।

राष्ट्र बैङ्कले यो विनिमय दरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैङ्कले तोक्ने विनिमय दर भने फरक हुनसक्ने र अद्यावधिक विनिमय दर केन्द्रीय बैङ्कको वेबसाइटमा उपलब्ध हुने जनाइएको छ ।

काठमाडौं: अमेरिकी संसदको तल्लो सदन, हाउस अफ रिप्रिजेन्टेटिभले बिहीबार अन्तर्राष्ट्रिय फौजदारी अदालत (आईसीसी) लाई लक्षित गर्दै प्रतिबन्ध लगाउने विधेयक पारित गरेको छ। यो कदम इजरायली प्रधानमन्त्री बेन्जामिन नेतान्याहु र पूर्व रक्षामन्त्री योभ गालान्टविरुद्ध आईसीसीले पक्राउ पुर्जी जारी गरेपछि उठाइएको हो।

विधेयकमा २४३ सांसदले पक्षमा र १४० सांसदले विपक्षमा मतदान गरेका थिए। पक्षमा मतदान गर्नेमा रिपब्लिकन पार्टीका सबै १९८ सांसद र डेमोक्रेटिक पार्टीका ४५ सांसद सामेल थिए। कुनै पनि रिपब्लिकन सांसदले विधेयकको विरोध गरेनन्।

आईसीसीले नेतान्याहु र गालान्टलाई गाजामा युद्ध अपराध, मानवअधिकार उल्लङ्घन, र नरसंहारको आरोपमा पक्राउ पुर्जी जारी गरेको छ। यसले इजरायल र अमेरिकाबीचको कूटनीतिक सम्बन्धमा थप तनाव सिर्जना गरेको छ।

यसअघि, २०२० मा, डोनाल्ड ट्रम्प प्रशासनले आईसीसीमाथि प्रतिबन्ध लगाएको थियो, जसको कारण अफगानिस्तानमा अमेरिकी सेनाको गतिविधि र प्यालेस्टाइनमा इजरायली सेनाको सम्भावित अपराधबारे अनुसन्धान रोक्न थियो। तर, राष्ट्रपति जो बाइडेनले कार्यभार सम्हालेपछि यी प्रतिबन्धहरू हटाइएको थियो।

विधेयक पारित भएपछि विदेश मामिला समितिका रिपब्लिकन अध्यक्ष ब्रायन मास्टले आईसीसीलाई “कंगारु अदालत” को संज्ञा दिँदै भने, “यो कानून पारित हुनुको कारण स्पष्ट छ। हाम्रो सहयोगी इजरायलका प्रधानमन्त्रीलाई पक्राउ गर्ने आईसीसीको प्रयासलाई अमेरिकाले कुनै हालतमा स्वीकार गर्न सक्दैन।”

नेतान्याहुविरुद्ध पक्राउ पुर्जी जारी भएपछि विभिन्न देशहरूले फरक–फरक अडान लिएका छन्। केही राष्ट्रले आईसीसीको कदमलाई समर्थन गरेका छन् भने अरूले यसलाई राजनीतिक उद्देश्यप्रेरित भनेर खारेज गरेका छन्।

यसैबीच, इजरायलले आईसीसीको कदमलाई “विभेदकारी र अन्यायपूर्ण” भन्दै कडा विरोध गरेको छ। इजरायलको समर्थनमा अमेरिकाले यस विधेयकमार्फत आईसीसीलाई दबाब दिन खोजेको प्रष्ट देखिन्छ।

आईसीसीको यो कदमले अन्तर्राष्ट्रिय कूटनीतिको केन्द्रबिन्दुमा गाजामा भइरहेको द्वन्द्व र मानवअधिकारको विषयलाई पुनः अगाडि ल्याएको छ। जबकि यसले विश्व शक्ति राष्ट्रहरू र आईसीसीबीचको सम्बन्धलाई थप जटिल बनाउने देखिएको छ।

काठमाडौं: राष्ट्रिय स्वतन्त्र पार्टी (रास्वपा) सभापति रवि लामिछाने आइतबार काठमाडौं जिल्ला अदालतमा उपस्थित हुने भएका छन्।

कास्की जिल्ला अदालतले सूर्यदर्शन सहकारीको मुद्दामा ६५ लाख रुपैयाँ धरौटीमा रिहा गरेपछि लामिछाने काठमाडौं जिल्ला अदालतमा पनि सहकारीकै मुद्दामा आइतबार हाजिर हुने तयारीमा छन्।

लामिछानेविरुद्ध काठमाडौंको स्वर्णलक्ष्मी सहकारीको बचत रकम अपचलनसम्बन्धी मुद्दा दायर गरिएको छ। उनलाई शुक्रबार अदालतमा उपस्थित हुन भनिएको भए पनि अब आइतबार बिहान अदालतमा जाने तय भएको छ।

रास्वपाका नेता दीपक बोहोराका अनुसार, लामिछाने सम्बन्धित निकायहरूसँग सम्पर्क र समन्वयमा रहेका छन् र आइतबार बिहान ८:३० बजे काठमाडौं जिल्ला अदालतमा हाजिर हुनेछन्। उनका अनुसार, लामिछाने अहिले काठमाडौं आउँदै छन्।34567wertiop[v bnm,.

काठमाडौं: पोखराको सूर्यदर्शन सहकारीको बचत रकम अपचलन प्रकरणमा मुछिएका राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछाने बिहीबार ६५ लाख रुपैयाँ धरौटी बुझाएर रिहा भएका छन्। अदालतको आदेशपछि प्रहरीको निगरानीमा उनलाई पोखराको फिस्टेल अस्पतालमा स्वास्थ्य परीक्षण गराई परिवारको जिम्मा लगाइएको हो।

लामिछानेमाथि काठमाडौंमा पनि सहकारीसम्बन्धी अर्को मुद्दा दर्ता भएकाले उनी शुक्रबार काठमाडौं जिल्ला अदालतमा उपस्थित हुने रास्वपाका कार्यवाहक प्रवक्ता मनिष झाले जानकारी दिएका छन्।

सहकारी प्रकरणका अन्य प्रतिवादीहरू पनि धरौटीमा रिहा
लामिछानेसँगै सोही मुद्दामा मुछिएका छ जना प्रतिवादीहरू पनि धरौटी बुझाएर रिहा भएका छन्। कास्की जिल्ला अदालतका श्रेस्तेदार राजन खनालका अनुसार:

छविलाल जोशीले ८८ लाख,
लीला पछाईँले ३७ लाख,
रामबहादुर खनालले १५ लाख,
कृष्णबहादुर गुरूङले १ लाख,
र आरती गुरूङले ५ लाख धरौटी बुझाएर रिहा भएका हुन्।
यद्यपि लीला पछाईँले बिहीबार धरौटी रकम बुझाउन नसकेकाले उनी हिरासतमा नै रहेको बताइएको छ।

थुनछेक बहसपछि धरौटीमा रिहा
कास्की जिल्ला अदालतमा १० दिनसम्म चलेको थुनछेक बहसपछि न्यायाधीश नीतिज राईको इजलासले बिहीबार प्रतिवादीहरूलाई धरौटीमा रिहा गर्न आदेश दिएको थियो।

जिल्ला सरकारी वकिलको कार्यालयले पुस ७ गते सूर्यदर्शन सहकारीको रकम ठगी प्रकरणमा लामिछानेसहित ४४ जनाविरुद्ध मुद्दा दायर गरेको थियो। सरकारी वकिलको कार्यालयका अनुसार अहिलेसम्म ६३ जनाविरुद्ध मुद्दा चलाइएको छ।

धरौटीमा रिहा भएका प्रतिवादीहरूको मुद्दामा थप अनुसन्धान जारी रहने कास्की जिल्ला अदालतका श्रेस्तेदार खनालले जानकारी दिएका छन्।

काठमाडौँ: अख्तियार दुरूपयोग अनुसन्धान आयोगमा घुस रकमसहित पुगेका अछामको मेल्लेख गाउँपालिकाका तत्कालीन प्रमुख प्रशासकीय अधिकृत ध्रुवप्रसाद सापकोटाविरुद्ध विशेष अदालतमा बिहीबार मुद्दा दायर गरिएको छ।

मेसिनरी सामान खरिदसम्बन्धी उजुरीको छानबिनका क्रममा आयोगको कञ्चनपुरस्थित कार्यालयमा सापकोटाले अनुसन्धान अधिकृतको कार्यकक्षमा कागजातसहितको खाम बुझाउँदा एक लाख रुपैयाँ घुस फेला परेको थियो। अनुसन्धान अधिकृतले सोधपुछ गर्दा सापकोटाले मुद्दा मिलाइदिन स्वेच्छाले रकम ल्याएको बयान दिएका थिए।

आयोगले सापकोटाविरूद्ध एक लाख रुपैयाँ बराबरको बिगो दाबी गर्दै विशेष अदालतमा मुद्दा दायर गरेको आयोगका प्रवक्ता नरहरि घिमिरेले जानकारी दिनुभयो।