काठमाडौं: त्रिभुवन अन्तर्राष्ट्रिय विमानस्थलको आगमन क्षेत्र नजिकै शंकास्पद गतिविधिमा संलग्न चार जनालाई प्रहरीले विद्युतीय चुरोट (Vape) तथा भन्सार छलीका विभिन्न सामग्रीसहित पक्राउ गरेको छ।
प्रहरीका अनुसार, २०८१ चैत ९ गते Fly Dubai को उडान FZ575 मार्फत नेपाल आएका यी व्यक्तिहरू विमानस्थलको ट्याक्सी पार्किङ क्षेत्रमा शंकास्पद गतिविधि गरिरहेका थिए। प्रहरीले उनीहरूलाई नियन्त्रणमा लिई अनुसन्धान गर्दा ठूलो मात्रामा विद्युतीय चुरोट (Vape) तथा अन्य भन्सार छलीका सामग्री बरामद गरेको छ। यसैका कारण उनीहरूलाई थप अनुसन्धानका लागि त्रिभुवन अन्तर्राष्ट्रिय विमानस्थल भन्सार कार्यालय, गौचर, काठमाडौं पठाइएको छ।
पक्राउ परेका व्यक्तिहरू:
सलिना बर्देवा (२६ वर्ष) – सिन्धुली, दुधौली नगरपालिका-८, सालघारी
योगेन्द्र दाहाल (३४ वर्ष) – उदयपुर, चौदण्डीगढी नगरपालिका-२, बेल्टार
सौगात क्षेत्री (२४ वर्ष) – पर्वत, मोदी गाउँपालिका-८ (हाल काठमाडौं, टोखा)
सुरेन्द्र घिसिङ तामाङ (४६ वर्ष) – मोरङ, लेटाङ गाउँपालिका-५ (हाल काठमाडौं, मित्रनगर)
बरामद सामग्रीहरू:
विभिन्न ब्रान्डका विद्युतीय चुरोट (Vape) – ४१० थान
Star Track Smart TV – १ थान
Meta Quest 3s – १ थान
MacBook Air – १ थान
Samsung Galaxy S24 Ultra – १ थान
iPhone – २ थान
Smart Watch – ३ थान
Google Pixel Buds Pro – २ थान
Google Pixel 9 Pro XL – १ थान
Dell Laptop – २ थान
काठमाडौँ उपत्यका अपराध अनुसन्धान कार्यालयका सूचना अधिकारी प्रहरी उपरीक्षक काजी कुमार आचार्यका अनुसार, भन्सार छलीका सामग्री ओसारपसार तथा कालोबजारीमा संलग्न जो कोहीलाई कानूनी दायरामा ल्याउने अभियान निरन्तर जारी रहनेछ।
सम्पर्क:
प्रहरी उपरीक्षक काजी कुमार आचार्य
सम्पर्क नम्बर: ९८५१२८१२०१
यसरी प्रहरीले भन्सार छली तथा अन्य गैरकानुनी गतिविधिमा संलग्न व्यक्तिहरू विरुद्ध कडा कारबाही गर्ने जानकारी दिएका छन्।
