पोखरा: नेपाली कांग्रेसका ७७ जिल्लाका सभापति र उपसभापतिहरू पोखरामा भेला हुने भएका छन्।
माघ २२ र २३ गते हुने प्रशिक्षण कार्यक्रममा पार्टीका केन्द्रीय नेतृत्वका प्रतिनिधिहरूसँगै सबै जिल्ला सभापति र प्रशिक्षण शाखा प्रमुखको जिम्मेवारीसमेत रहेका उपसभापतिहरू सहभागी हुनेछन्।
पार्टीको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा तथा कांग्रेस कास्कीको व्यवस्थापनमा कार्यक्रम तय गरिएको कास्की कांग्रेसका सहसचिव एवं प्रवक्ता नवीन सिग्देलले जानकारी दिए।
कार्यक्रमलाई पार्टी सभापति शेरबहादुर देउवा, उपसभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मा लगायतका शीर्ष नेताहरूले सम्बोधन गर्नेछन्।
