काठमाडौं । चीनको अहिलेसम्मकै सबैभन्दा ठूलो सैन्य परेड हुनुभन्दा एक दिन अघि, चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनले मंगलबार बेइजिङमा द्विपक्षीय बैठक गरेका छन्।
पुटिनले दुई देशबीचको सम्बन्धलाई ‘अभूतपूर्व स्तर’ मा रहेको बताएका छन्। उनले भने, “हाम्रो निकट अन्तरक्रियाले रूस र चीनबीचको रणनीतिक सम्बन्धलाई प्रतिबिम्बित गर्दछ।”
सीलाई सम्बोधन गर्दै पुटिनले थपे, “प्रिय मित्र, म र सम्पूर्ण रूसी प्रतिनिधिमण्डल हाम्रा चिनियाँ साथी र सहकर्मीहरूलाई फेरि भेट्न पाउँदा खुशी छौं। हामी पहिले सँगै थियौं र अहिले पनि सँगै छौं।”
सी जिनपिङले भने, “चीन–रूस सम्बन्धले अन्तर्राष्ट्रिय परिवर्तनहरूको परीक्षा उत्तीर्ण गरेको छ।” उनले चीनले “अझ न्यायपूर्ण र समतामूलक विश्वव्यापी शासन प्रणाली” निर्माण गर्न रूससँग मिलेर काम गर्न चाहेको बताए।
बुधबार, दोस्रो विश्वयुद्धको अन्त्यको ८० औं वार्षिकोत्सवको अवसरमा चीनमा जापानले आत्मसमर्पण गरेको सम्झनामा चीनले अहिलेसम्मकै सबैभन्दा ठूलो सैन्य परेड आयोजना गर्नेछ।
