काठमाडौं: अमेरिकी राष्ट्रपति डोनाल्ड ट्रम्पले मेक्सिको र क्यानाडामा आयात हुने वस्तुहरूमाथि २५ प्रतिशत ट्यारिफ लगाउने निर्णय गरेका छन्। ह्वाइट हाउसले यसलाई पुष्टि गरेको छ।
यसैबिच, ट्रम्पले चीनमाथि १० प्रतिशत थप कर लगाएका छन्, तर क्यानाडाबाट आयात हुने विद्युतमा भने १० प्रतिशत कम ट्यारिफ लाग्ने जनाइएको छ। ह्वाइट हाउसले यो निर्णय अमेरिकामा फेन्टेनाइल संकटसँग जुझ्नका लागि गरिएको बताएको छ। क्यानाडाली वस्तुहरूमाथिको ट्यारिफ आगामी मंगलबारदेखि लागू हुने छ।
यसको प्रतिक्रिया स्वरूप क्यानाडाका प्रधानमन्त्री जस्टिन ट्रुडोले एक घोषणा गर्न तयारी गरेका छन्, जबकि मेक्सिकोका राष्ट्रपति क्लाउडिया शिनबामले अमेरिकाबाट ट्यारिफ थोपर्ने कदमलाई ‘चिसो दिमाग’का साथ सामना गर्ने बताएका छन्।”
