काठमाडौँ । सङ्घीय संसद् अन्तर्गत आज तीनवटा संसदीय समितिको बैठक बस्दै छन्। अर्थ समिति, राज्य व्यवस्था तथा सुशासन समिति, र विधायन व्यवस्थापन समितिको बैठक आज बस्ने तय भएको हो।
राज्य व्यवस्था तथा सुशासन समितिको बैठक बिहान ११ बजेका लागि बोलाइएको छ। बैठकमा काठमाडौँको तीनकुनेमा यही चैत १५ गते भएको घटनाका सम्बन्धमा गृहमन्त्री रमेश लेखकसँग छलफल हुने कार्यसूची रहेको छ।
अर्थ समितिको बैठक पनि बिहान ११ बजे बस्दै छ। बैठकमा आगामी आर्थिक वर्षको बजेट सम्बन्धमा अर्थ मन्त्रालयसँग छलफल हुने कार्यसूची रहेको छ।
विधायन व्यवस्थापन समितिको बैठक दिउँसो १ बजे सुरु हुनेछ। बैठकमा पानीजहाज (सञ्चालन तथा व्यवस्थापन) विधेयक, २०८१ मा दफावार छलफल हुने कार्यक्रम रहेको छ।
