काठमाडौं । राष्ट्रिय स्वतन्त्र पार्टी (रास्वपा) को सचिवालय बैठक आज (सोमबार) बिहान बस्ने भएको छ। हिजो आइतबार राति ८ बजेका लागि तय गरिएको भर्चुअल बैठक स्थगित भएपछि आज बिहान ८ बजेका लागि सारिएको हो।
पार्टीका अनुसार संसद् बैठक लम्बिएका कारण निर्धारित समयमा सचिवालय बैठक बस्न नसकेपछि बैठक आजका लागि सारिएको हो।
रास्वपाका प्रवक्ता मनिष झाले संसद् बैठक अपेक्षाभन्दा लामो समयसम्म चलेका कारण बैठक स्थगित गरेर सोमबार बिहानका लागि पुनः तय गरिएको जानकारी दिएका छन्।
