काठमाडौं । अर्थमन्त्री डा. स्वर्णिम वाग्लेले आगामी आर्थिक वर्षका लागि २१ खर्ब २४ अर्ब ३४ करोड रुपैयाँ बराबरको बजेट प्रस्तुत गरेका छन्।
सार्वजनिक गरिएको बजेटअनुसार कुल विनियोजनमध्ये चालु खर्चतर्फ १२ खर्ब ७० अर्ब रुपैयाँ, पूँजीगत खर्चतर्फ ४ खर्ब ३१ अर्ब रुपैयाँ तथा वित्तीय व्यवस्थापनतर्फ ४ खर्ब २२ अर्ब रुपैयाँ छुट्याइएको छ।
अर्थमन्त्री वाग्लेले आगामी आर्थिक वर्षमा १४ खर्ब ४ अर्ब रुपैयाँ राजस्व संकलन हुने अनुमान प्रस्तुत गरेका छन्।
बजेटका लागि आवश्यक स्रोत व्यवस्थापनअन्तर्गत वैदेशिक अनुदानबाट ६१ अर्ब ७४ करोड रुपैयाँ, वैदेशिक ऋणमार्फत २ खर्ब ४७ अर्ब रुपैयाँ जुटाइने बताइएको छ।
यसका अतिरिक्त स्रोत अपुग हुने रकम पूर्ति गर्न सरकारले ४ खर्ब १० अर्ब रुपैयाँ आन्तरिक ऋण उठाउने घोषणा गरेको छ।
