काठमाडौं: इजरायली सेनाले गाजा क्षेत्रबाट दुई अमेरिकी मूलका इजरायली नागरिकहरूको शव बरामद गरेको जनाएको छ। उनीहरूलाई सन् २०२३ अक्टोबर ७ मा दक्षिणी इजरायलमा हमासले आक्रमण गर्दा अपहरण गरिएको थियो।
इजरायली सेनाको विज्ञप्तिअनुसार मुजाहिद्दीन ब्रिगेडसँग आवद्ध हमास लडाकुहरूले किबुट्ज निर ओजमा आक्रमण गर्दा ७० वर्षीया क्यानडाली नागरिक जुडी वाइन्स्टाइन हाग्गाई र उनका ७२ वर्षीय पति गाडी हाग्गाईको मृत्यु भएको थियो।
उनीहरूको शव गाजाको दक्षिणी क्षेत्रमा पर्ने खान युनिसबाट फेला पारिएको हो। शव फोरेन्सिक परीक्षणका लागि इजरायल फिर्ता ल्याइएको छ।
इजरायली अधिकारीहरूका अनुसार हमासले हाल पनि करिब ५६ जनालाई गाजामा बन्धक बनाएर राखेको छ, जसमा कम्तीमा २० जना जीवित रहेको अनुमान गरिएको छ।
