काठमाडौँ: आइसिसी यू–१९ पुरुष क्रिकेट विश्वकप एसिया छनोट प्रतियोगिताको खेल तालिका सार्वजनिक गरिएको छ। नेपाल क्रिकेट सङ्घ (क्यान) ले चैत ३१ गतेदेखि वैशाख ६ गतेसम्म काठमाडौँमा आयोजना हुने प्रतियोगिताको तालिका मङ्गलबार सार्वजनिक गरेको हो।
प्रतियोगिताका सबै खेल काठमाडौँस्थित माथिल्लो र तल्लो मूलपानी अन्तरराष्ट्रिय क्रिकेट मैदानमा बिहान ९:३० बजे सुरु हुनेछन्।
छनोट प्रतियोगितामा आयोजक नेपालसहित युएई, ओमान, अफगानिस्तान र हङकङ सहभागी छन्। नेपालले पहिलो खेल चैत ३१ गते युएईविरुद्ध तल्लो मूलपानी मैदानमा खेल्नेछ।
क्यानले मङ्गलबार नरेन भट्टको कप्तानीमा १४ सदस्यीय नेपाली टोली घोषणा गरेको छ। टोलीमा कप्तान भट्टसहित अभिषेक तिवारी, नीरज के यादव, साहिल पटेल, सिब्रिन श्रेष्ठ, रोशन विश्वकर्मा, दर्श सोनार, दिलसाद अली, सन्तोष यादव, अशोक धामी, दयानन्द मण्डल, अपराजित पौडेल, युवराज खत्री र बिपीनप्रसाद शर्मा छन्।
खेल तालिका यसप्रकार छ:
माथिल्लो मूलपानी मैदान
चैत ३१: ओमान बनाम अफगानिस्तान
वैशाख १: ओमान बनाम नेपाल
वैशाख ३: अफगानिस्तान बनाम युएई
वैशाख ५: हङकङ बनाम ओमान
वैशाख ६: युएई बनाम हङकङ
तल्लो मूलपानी मैदान
चैत ३१: नेपाल बनाम युएई
वैशाख १: अफगानिस्तान बनाम हङकङ
वैशाख ३: हङकङ बनाम नेपाल
वैशाख ४: युएई बनाम ओमान
वैशाख ६: नेपाल बनाम अफगानिस्तान
प्रतियोगिताको विजेताले सन् २०२६ मा श्रीलंकामा आयोजना हुने यू–१९ विश्वकपका लागि छनोट हुनेछन्।
