काठमाडौँ: बेपत्ता पारिएका व्यक्तिको छानबिन आयोग र सत्य निरूपण तथा मेलमिलाप आयोगको अध्यक्ष तथा सदस्य चयनका लागि गठित सिफारिस समितिले पदाधिकारी छनौट प्रक्रियासम्बन्धी मस्यौदामाथि राय सुझाव दिन सार्वजनिक आह्वान गरेको छ।
समितिको आज बसेको बैठकले सन् २०८१ को छनौट प्रक्रिया मस्यौदामा सार्वजनिक सुझाव संकलन गर्ने निर्णय गरेको प्रवक्ता डा. लीली थापाले जानकारी दिनुभयो। उहाँका अनुसार, राय सुझाव पठाउन नागरिक, सरोकारवाला र सरोकारयुक्त निकायलाई आग्रह गरिएको छ।
समितिले तयार पारेको मस्यौदा बेपत्ता पारिएका व्यक्तिको छानबिन आयोग तथा सत्य निरूपण तथा मेलमिलाप आयोगको वेबसाइटमा साथै कानुन, न्याय तथा संसदीय मामिला मन्त्रालयको सूचना पाटीमा समेत उपलब्ध गराइएको छ। मस्यौदामाथि सुझाव पठाउने अन्तिम म्याद चैत २६ गतेसम्म रहेको छ।
