काठमाडौँ: जापान पठाइदिन्छु भन्दै ७९ लाखभन्दा बढी ठगी गर्ने एक महिला पक्राउ परेकी छिन् । उनले वैदेशिक रोजगारको लागि जापानमा फेमिली भिसा लगाई पठाइदिन्छु भनी ७९ लाख ९७ हजार ९९९ रुपैयाँ ठगी गरेकी हुन्।
पक्राउ पर्नेमा तनहुँको व्यास नगरपालिका–१२ कमलबारी बस्ने ३८ वर्षीया मनुमाया थापा रहेकी प्रहरीले जनाएको छ ।
थापाले तनहुँको भिमाद नगरपालिका–५ घर भई हाल पोखरा महानगरपालिका– १ बस्ने ३८ वर्षीया रुपासरा रानालाई ठगी गरेको प्रहरीले जनाएको छ ।
थापाको साथबाट ४ लाख ८० हजार रुपैयाँ र विभिन्न ७ वटा बैकहरुको चेक बरामद गरिएको प्रहरीको भनाइ छ । उनीमाथि थप अनुसन्धान भइरहेको प्रहरीले जनाएको छ ।
