काठमाडौं: कारोबारको अन्तिम दिन नेपाल स्टक एक्सचेन्ज (नेप्से) हरियालीमा बन्द भएको छ।
बिहीबार सार्वजनिक मौद्रिक नीतिको समीक्षामा असल कर्जाको प्रोभिजन दर १.१ प्रतिशतबाट १ प्रतिशतमा झारिएको निर्णयसँगै सेयर बजारमा उत्साह देखिएको हो।
आज नेप्से परिसूचक ४९.१५ अंकले बढ्दै २८१५ बिन्दुमा पुगेको छ। कुल दुई करोड कित्ता सेयर किनबेच हुँदा ११ अर्ब ३९ करोड रुपैयाँ बराबरको कारोबार भएको छ। कारोबारमा आएका १८६ कम्पनीको सेयर मूल्य बढेको छ।
कारोबार रकमका आधारमा सर्वाधिक हिमालय रि-इन्सुरेन्सले ९६ करोड, नेपाल रिइन्सुरेन्सले ७६ करोड, र एनआरएन इन्फ्रास्ट्रक्चरले ४६ करोड रुपैयाँ बराबरको कारोबार गरे।
यस्तै, चारवटा कम्पनीको सेयर मूल्य १० प्रतिशतले वृद्धि भई सकारात्मक सर्किट लागेको छ। ती कम्पनीहरूमा गर्डियन माइक्रो लाइफ, अपर हेवाखोला हाइड्रो, सिन्धु विकास बैंक, र दोर्दी खोला जलविद्युत रहेका छन्।
