सप्तरी: राजविराज—९ मलेठमा प्रहरीले ठूलो परिमाणमा लागूऔषध गाँजा बरामद गरेको छ।
गोप्य सूचनाका आधारमा प्रमुख जिल्ला अधिकारी, जिल्ला प्रहरी कार्यालयका प्रहरी उपरीक्षक तथा सशस्त्र प्रहरी बलका सशस्त्र प्रहरी उपरीक्षकको नेतृत्वमा विशेष टोली परिचालन गरी छापा मार्दा २४ क्विन्टल १९.५ किलोग्राम गाँजा, १४२ कार्टुन स्याउ, तथा विभिन्न हार्डवेयर सामग्री बरामद गरिएको मधेस प्रदेश प्रहरी कार्यालयका प्रवक्ता एसएसपी शान्तिराज कोइरालाले जानकारी दिए।
गोदाम घरको बाहिरी गेटमा ताल्चा लागेको अवस्थामा कम्पाउन्डभित्र राखिएको दुई ट्रकमा ती सामग्री फेला परेका थिए। साथै, घटनास्थलबाट बीआर ० जेबी ९७३५ नम्बरको सेतो स्कारपियो र डब्लू बी ७४ एम १५५८ नम्बरको मारुती कार समेत खाली अवस्थामा भेटिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।
