काठमाडौँ: प्रतिनिधिसभाको आजको बैठकमा आगामी आर्थिक वर्ष २०८२/८३ को नीति तथा कार्यक्रममाथिको छलफल जारी रहनेछ। संसदमा गत सोमबारदेखि नीति तथा कार्यक्रमबारे छलफल सुरु भएको हो।
सङ्घीय संसद् सचिवालयका अनुसार प्रतिनिधिसभाको बैठक आज बिहान ११:०० बजे बस्नेछ। बैठकअघि अन्तरराष्ट्रिय सम्बन्ध तथा पर्यटन, विधायन व्यवस्थापन, सार्वजनिक नीति तथा प्रत्यायोजन विधायन, र सङ्घीयता सबलीकरण समितिका बैठकहरू बस्ने कार्यक्रम रहेको छ।
यसैबीच, राष्ट्रियसभामा पनि नीति तथा कार्यक्रममाथि छलफल जारी छ। राष्ट्रियसभाको आगामी बैठक यही वैशाख २८ गते दिउँसो १:१५ बजेका लागि तय गरिएको छ। सो बैठकमा प्रधानमन्त्री केपी शर्मा ओलीले नीति तथा कार्यक्रमबारे उठेका प्रश्नहरूको जवाफ दिनुहुने कार्यक्रम रहेको महासचिव पद्मप्रसाद पाण्डेले राससलाई जानकारी दिनुभयो।
