रौतहट: रौतहट जिल्लाको वृन्दावन नगरपालिका–७ मा १४ वर्षीय कृष्ण प्रसाद यादवको अपहरणपछि हत्या भएको घटनाले स्थानीय समुदायलाई गहिरो मर्माहत बनाएको छ।
स्थानीयवासीका अनुसार बालकको अपहरण र निर्मम हत्या प्रकरणमा संलग्न रहेका नागेन्द्र सहनी, साधु भनिने नागेन्द्र सहनी, विकास पटेल र अनिल साह विरुद्ध कडा कानुनी कारबाहीको माग गरिएको छ।
पीडित परिवार र स्थानीय समुदायले अपराधमा संलग्न सबै व्यक्तिलाई कडा भन्दा कडा सजाय दिनुका साथै पीडितलाई न्याय दिलाउन सम्बन्धित निकायहरूलाई आह्वान गरेका छन्। उनीहरूले भनेका छन्, “हामीलाई विश्वास छ कि सम्बन्धित निकायबाट सकारात्मक सहयोग प्राप्त हुनेछ, जसले हाम्रो समाजमा न्याय स्थापनामा महत्वपूर्ण योगदान पुर्याउनेछ।”
यस घटनाले पुनः एकपटक बालबालिकाको सुरक्षासम्बन्धी गम्भीर प्रश्न उठाएको छ। प्रहरीका अनुसार हाल घटनाको अनुसन्धान तीव्र पारिएको छ र दोषीहरूलाई कानुनी दायरामा ल्याउन सुरक्षाकर्मीहरू सक्रिय रूपमा परिचालित भएका छन्।
