क्यालिफोर्निया : नेपाली काङ्रेसका महामन्त्री तथा पूर्व स्वास्थ्य मन्त्री तथा वर्तमान संघीय सांसद माननीय गगनकुमार थापालाई अमेरिकाको क्यालिफोर्नियामा भव्य स्वागतको तयारी भइरहेको छ।
युवाहरुको ढुकढुकी पनि भनेर चिनिने लाखौं नेपालीले आशा गरेका गगन थापा निजी भ्रमणको सिलसिलामा आमेरिका आउन लागेको बुझिएको छ। थापालाई स्वागत गर्न
क्यालिफोर्नियावासी नेपालीहरु उत्साहित रहेको जनाइएको छ।
थापाको भ्रमणको अवसर पारेर यही अप्रिल २१, २०२४ आइतबारका दिन यु.सि. बर्कलिमा भव्य स्वागत तथा अन्तरकृया कार्यक्रम आयोजना गरिने भएको छ। उत्तर क्यालिफोर्निया च्याप्टरको जना सम्पर्क समितिको आयोजना रहेको सो कार्यक्रममा सयौंको संख्यामा सहभागिता हुने आयोजक समितिका कार्यवाहक सभापति श्री नारायण खनालले बताउनु भयो।
नेपाली जनसम्पर्क समिति क्यालिफोर्नियाका उपसभापति तथा नेपाली कांग्रेसकी महाधिवेशन प्रतिनिधि लक्ष्मी कार्कीले कार्यक्रमको भव्य तयारी पूरा भएको कुरा बताउनु भयो। सो भेटघाट तथा अन्तरक्रिया कार्यक्रममा नेपाली कांग्रेसप्रति आस्था राख्ने मात्र नभई विभिन्न राजनीतिक विचारधारा बोकेकाहरूको पनि सहभागिता रहने आयोजक समितिले जनाएको छ। अमेरिकामा गगन थापालाई माया गर्ने जमात ठूलै रहेको समेत बुझिएको छ।
जनसम्पर्क समिति अमेरिकाका केन्द्रीय सदस्य चन्द्र धितालले गगन थापा नेपाली राजनीतिको भविष्य रहेको भन्दै कार्यक्रम ऐतिहासिक र फलदायी हुने विश्वास गर्नुभयो। एन आर एन अन्तर्राष्ट्रिय समन्वय परिषदका सदस्य तथा जनसपर्क समिति अमेरिकाका केन्द्रीय सल्लाहकार उत्तम कार्कीले सो कार्यक्रम भव्य र सभ्य हुनेमा विश्वस्त रहेको बताउँदै क्यालिफोर्नियामा बसोबास गर्ने सबै नेपाली दाजुभाइ तथा दिदीबहिनीलाई उपस्थित हुन आव्हान गर्नुभएको छ।
सो कार्यक्रममा नेपाली जन सम्पर्क वरिष्ठ उपसभापति धनन्जय नरसिंह केसी, नेपाली काङ्रेस गोरखाका पूर्व सभापति भोजराज कंडेल, नेपाली काङ्ग्रेसका वरिष्ठ सदस्यहरु विद्यासागर योन्जन, निर्मल गौचनलगायत उल्लेख्य उल्लेख्य संख्यामा सहभागीहरूको उपस्थिति हुनेमा आफू विश्वस्त रहेको आयोजक समितिका सचिव हरि भट्टले बताउनुभयो। सो कार्यक्रम २२२० पिड्मन्ट एभिन्यु बर्कलीमा बेलुका ठीक ५ बजे हुने बताइएको छ।
—हिमालयन ट्रिब्युन: क्यालिफोर्निया सम्वाददाता—
