काठमाडौं: पूर्वराजा ज्ञानेन्द्र शाह आइतबार काठमाडौं आएका छन्। पोखराबाट चार्टर जहाजमार्फत आएका पूर्वराजा शाहको काठमाडौंमा समर्थकहरूले भव्य स्वागत गरेका छन्।
पोखरा विमानस्थलमा पूर्वराजा शाहलाई उनका समर्थकहरूले बिदाइ गरेका थिए। समिट एयरको चार्टर जहाजमार्फत काठमाडौं आइपुगेका शाहलाई समर्थकहरूको ठूलो उपस्थिति रहेको थियो।
काठमाडौं अवतरणपछि समर्थकहरूले उनलाई निर्मल निवाससम्म ल्याउने व्यवस्था गरेका छन्।
