काठमाडौं: नेपाल आयल निगमले पेट्रोलियम पदार्थको खुद्रा बिक्री मूल्य समायोजन गरेको छ। भारतको इन्डियन आयल कर्पोरेसन (IOC) बाट शनिबार प्राप्त नयाँ मूल्यको आधारमा पेट्रोलमा प्रतिलिटर २ रुपैयाँ, डिजेल र मट्टीतेलमा १ रुपैयाँ वृद्धि गरिएको निगमले जनाएको छ।
त्यस्तै, आन्तरिक हवाई इन्धनको मूल्य भने प्रतिलिटर ३ रुपैयाँले घटाइएको छ।
निगमका अनुसार नयाँ मूल्य आज राति १२ बजेदेखि लागू हुनेछ।
