काठमाडौँ: युक्रेनी राष्ट्रपति भोलोडिमिर जेलेन्स्कीले पूर्व अमेरिकी राष्ट्रपति डोनाल्ड ट्रम्पलाई युक्रेन भ्रमणको निम्तो दिएका छन्। उनले रुससँग युद्ध अन्त्यका लागि कुनै पनि सम्झौता गर्नु अघि ट्रम्पले युक्रेन आएर वास्तविक अवस्था अवलोकन गर्नुपर्ने बताएका छन्।
जेलेन्स्कीले भने, “कृपया कुनै पनि निर्णय वा छलफल अघि युक्रेन आउनुहोस्—यहाँका मानिसहरूलाई हेर्नुहोस्, सैनिकहरू, अस्पतालहरू, चर्चहरू, नष्ट गरिएका घरहरू र मारिएका बालबालिकाहरूलाई हेर्नुहोस्।”
उनीले अमेरिकी सञ्चारमाध्यम सीबीएस न्यूजको ‘६० मिनेट’ कार्यक्रममा यस्तो बताएका हुन्।
यो अन्तर्वार्ता आइतबार युक्रेनी शहर सुमीमा रूसी क्षेप्यास्त्र आक्रमण हुनुभन्दा अगाडि रेकर्ड गरिएको थियो। सो आक्रमणमा दुई बालबालिकासहित ३४ जनाको मृत्यु भएको थियो भने ११७ जना घाइते भएका थिए।
