भरतपुर (चितवन), ४ कात्तिक । चितवनमा स्कुटर दुर्घटनामा परी दुई युवाको मृत्यु भएको छ।
भरतपुर–१० स्थित विमानस्थल नजिकै बाप्र ०६–००३ प ०६९२ नम्बरको स्कुटर गएराति आफैं अनियन्त्रित भई दुर्घटनामा परेको जिल्ला प्रहरी कार्यालय चितवनले जनाएको छ। दुर्घटनामा भरतपुर–२१ का २५ वर्षीय सन्दीप घिमिरे र २८ वर्षीय कुशल अर्यालको ज्यान गएको हो।
प्रहरी उपरीक्षक गोविन्द पुरीका अनुसार दुवै जनाको टाउकामा गम्भीर चोट लागेको थियो। उनीहरूलाई उपचारका लागि भरतपुर अस्पताल पुर्याइए पनि चिकित्सकले मृत घोषणा गरेका थिए।
