काठमाडौँ। सरकारको सिफारिसमा राष्ट्रपति रामचन्द्र पौडेलले जारी गरेका चार अध्यादेश बिहीबार राजपत्रमा प्रकाशित भएका छन्। ती अध्यादेशहरू बिहीबार राजपत्रमा प्रकाशित भएका हुन्। राष्ट्रपति पौडेलले सरकारको सिफारिसमा सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने अध्यादेश, आर्थिक कार्यविधि तथा वित्तीय उत्तरदायित्व (पहिलो संशोधन) अध्यादेश, निजीकरण (पहिलो संशोधन) अध्यादेश, आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्न बनेको अध्यादेश सोमबार जारी गरेका थिए।
त्यस्तै, भूमिसम्बन्धी अध्यादेश भने राष्ट्रपति पौडेलले बुधबार मात्र जारी गरेका थिए। उक्त अध्यादेश अझै राजपत्रमा प्रकाशित भएको छैन। गत पुस २६ गते बसेको मन्त्रिपरिषद् बैठकले २९ वटा कानुन संशोधन गर्न पाँचवटा अध्यादेश जारी गर्न राष्ट्रपति समक्ष सिफारिस गरेको थियो।
4 bill
