काठमाडौं: काठमाडौंको जयबागेश्वरी क्षेत्रबाट जुवातास खेलिरहेको अवस्थामा सात जना व्यक्तिहरूलाई प्रहरीले पक्राउ गरेको छ।
काठमाडौं महानगरपालिका–८ स्थित पशुपति क्षेत्र विकास कोषअन्तर्गत अमालकोटको पाले सुत्ने घरमा जुवा खेलिरहेको सूचना प्राप्त भएपछि प्रहरीले सोही दिन साँझ ५:०९ बजे छापा हानी उनीहरूलाई नियन्त्रणमा लिएको हो।
पक्राउ परेकाहरूको साथबाट जुवा खेल्दा प्रयोग गरिएको चार बुक तास र नगद रू. १,०७,९१५ (अक्षरेपी एक लाख सात हजार नौ सय पन्ध्र रुपैयाँ) बरामद गरिएको काठमाडौं प्रहरी परिसरले जनाएको छ।
पक्राउ पर्ने व्यक्तिहरूको विवरण यसप्रकार छ:
१. भिम संगत (६६), काठमाडौं महानगरपालिका–८, जयबागेश्वरी
२. कविन्द्र भण्डारी (६७)
३. ईश्वर राज भण्डारी (५९)
४. अनुज संगत (४५)
५. बुद्धि तामाङ (५६)
६. देवी बहादुर अधिकारी (४३), गजुरी गाउँपालिका–८, धादिङ
७. रेशम सिजाली (५४), बेशीखोला गाउँपालिका–१, बागलुङ
उनीहरूलाई काठमाडौं जिल्ला अदालतबाट पाँच दिनको म्याद थप अनुमति लिएर थप अनुसन्धान भइरहेको प्रहरीले जानकारी दिएको छ।
