काठमाडौं । आज संघीय संसद्अन्तर्गत दुई वटा संसदीय समितिको बैठक बस्दै छन्। सार्वजनिक लेखा समिति तथा शिक्षा, स्वास्थ्य तथा सूचना प्रविधि समितिको बैठक आज बस्न लागेको हो।
बिहान ८ बजे बस्ने सार्वजनिक लेखा समितिको बैठकमा लेखा उत्तरदायी अधिकृतहरूसँग बेरुजु न्यूनीकरणका विषयमा छलफल हुने कार्यसूची रहेको छ। साथै, समितिको आन्तरिक कार्यविधिसम्बन्धी विषयमा पनि बैठकमा छलफल हुने जनाइएको छ।
यस्तै, शिक्षा, स्वास्थ्य तथा सूचना प्रविधि समितिको बैठक बिहान ११ बजे बस्नेछ। बैठकमा राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१ माथि छलफल गर्ने कार्यसूची रहेको छ।
दुवै समितिका बैठकमा समसामयिक नीतिगत तथा व्यवस्थापकीय विषयमा महत्वपूर्ण छलफल हुने अपेक्षा गरिएको छ।
