काठमाडौं: अमेरिकी राष्ट्रपति डोनाल्ड ट्रम्पले उनको प्रशासनले ‘अर्धचालक शुल्क’ सम्बन्धी विवरण आज सार्वजनिक गर्ने बताएका छन्।
एयर फोर्स वन (अमेरिकी राष्ट्रपतिको विशेष विमान) मा मिडियासँग कुरा गर्दै ट्रम्पले आगामी योजना बारे संकेत दिएका हुन्।
अमेरिकी वाणिज्य सचिव हावर्ड लुटनिकले पनि स्मार्टफोन, कम्प्युटर र अन्य इलेक्ट्रोनिक सामानहरूमा लाग्ने पारस्परिक कर केही समयका लागि हटाइएको जानकारी दिएका छन्। तर उनले यस्तो छुट अस्थायी भएको र भविष्यमा ती सामानहरूमा छुट्टै “अर्धचालक शुल्क” लगाउने तयारी भइरहेको बताए।
ट्रम्प प्रशासनले हालै चीनबाट आयात हुने मोबाइल फोन, कम्प्युटरलगायतका विभिन्न इलेक्ट्रोनिक उत्पादनहरूलाई पारस्परिक करबाट छुट दिने घोषणा गरेको थियो।
