काठमाडौँ: ज्यान मार्ने उद्योगमा दोषी ठहर भई जेलमा रहेका गण्डकी प्रदेशसभा सदस्य तथा पूर्वमन्त्री दीपक मनाङे (राजीव गुरुङ) को २० प्रतिशत कैद छुट भएको छ । जिल्ला अदालत काठमाडौँका न्यायाधीश कमलप्रसाद पोखरेलको इजलासले उक्त छुटको फैसला गरेको हो।
मनाङेले मुलुकी ऐन, दण्ड सजाय महलको दफा ४१ (क) अनुसार २० प्रतिशत कैद छुटको माग गर्दै फागुन १२ गते अदालतमा निवेदन दिएका थिए।सो व्यवस्थाअनुसार, अन्तिम फैसला भएको ६० दिनभित्र अदालतसमक्ष आत्मसमर्पण गरेमा २० प्रतिशत कैद तथा जरिवाना छुटको प्रावधान रहेको छ।
सजाय छुटपछि अब मनाङेले १ वर्ष ४ महिना कैद भुक्तान गर्नुपर्नेछ।
