काठमाडौं: काठमाडौंको पकनाजोल क्षेत्रबाट अफिम जस्तो देखिने कालो पदार्थसहित दुई जना पक्राउ परेका छन्।
विशेष सूचनाको आधारमा खटिएको प्रहरी टोलीले २०८२ साल जेठ ४ गते बिहान १०:०० बजे काठमाडौं महानगरपालिका–१६, पकनाजोलस्थित स्थानबाट दुई जनालाई नियन्त्रणमा लिएको हो।
पक्राउ पर्नेहरूमा जिल्ला रोल्पा, सुनिल स्मृति गाउँपालिका–५, काप्राका ४५ वर्षीय रुद्रबहादुर थापा र सोही गाउँपालिकाका ३६ वर्षीय राकेश परियार रहेका छन्।
उनीहरूको साथबाट गिलो अवस्थामा रहेको अफिम जस्तो देखिने कालो पदार्थ करिब १०६० ग्रामसहित विभिन्न सामग्रीहरू बरामद गरिएको प्रहरीले जनाएको छ।
बरामद सामग्रीहरू:
– गिलो अवस्थामा रहेको अफिम जस्तो देखिने कालो पदार्थ — १०६० ग्राम
– INFINIX कम्पनीको एन्ड्रोइड मोबाइल — १ थान
– Redmi कम्पनीको एन्ड्रोइड मोबाइल — १ थान
– NOKIA कम्पनीको कीप्याड मोबाइल — १ थान
– टेप रोल — १ थान
– कालो रङको लेदर झोलाजस्तो देखिने झोला — १ थान
पक्राउ परेकाहरूलाई लागुऔषध सम्बन्धी मुद्दामा अनुसन्धानका लागि काठमाडौं जिल्ला अदालतबाट पाँच दिनको म्याद थप लिइएको काठमाडौं प्रहरी परिसरले जनाएको छ।
