काठमाडौं: इरान र अमेरिकाबीच चलिरहेको आणविक सम्झौता सम्बन्धी वार्ता नयाँ चरणतर्फ अघि बढ्ने भएको छ। वार्ताका दुई प्रमुख पक्षहरूले वार्तालाई अर्को चरणमा लैजाने सहमति जनाएका हुन्। यो जानकारी ओमानको विदेश मन्त्रालयका प्रवक्ताले दिएका छन्।
शनिबार रोममा ओमानका विदेशमन्त्री हम्माद अल-बुसैदीको मध्यस्थतामा इरानी र अमेरिकी प्रतिनिधिमण्डलबीच दोस्रो चरणको वार्ता सम्पन्न भएको हो।
ओमानी विदेश मन्त्रालयका अनुसार वार्तामा इरानका उप–विदेशमन्त्री अब्बास अराघची र अमेरिकी राष्ट्रपति डोनाल्ड ट्रम्पका विशेष दूत स्टिभ विटकोफ सहभागी थिए।
दुवै पक्षले वार्तालाई “अर्को चरणमा लैजाने” सहमति जनाएका छन्।
दोस्रो चरणको वार्तापछि इरानका उप–विदेशमन्त्री अराघचीले यस चरणको संवादलाई “रचनात्मक र प्रगतिशील” भएको बताएका छन्।
“हामी थुप्रै सिद्धान्तहरू र उद्देश्यहरूमा स्पष्ट समझमा पुग्न सफल भएका छौं,” उनले बताएका छन्।
