काठमाडौँ: वानएक्स बेटमार्फत सट्टेबाजी गराएको आरोपमा प्रहरीले ललितपुरबाट एक जनालाई पक्राउ परेको छ ।
पाँचथर घर भई हाल ललितपुरको महालक्ष्मी नगरपालिका–१ मा बस्दै आएका सुनिल राईलाई उपत्यका अपराध अनुसन्धान कार्यालयले पक्राउ गरेको एसपी काजी कुमार आचार्यले जानकारी दिए ।
राईले ५५ करोड आर्थिक कारोबार गरेको भेटिएको आचार्यले बताए । आरोपी वान एक्स बेटको एजेन्ट रहेको र उनले सट्टेबाजी गराउने गरेको प्रहरीको प्रारम्भिक अनुसन्धानबाट खुलेको छ ।
