जनकपुर, २३ जेठ: मधेस प्रदेश सरकारले आज प्रदेशसभामा आगामी आर्थिक वर्षको नीति तथा कार्यक्रम प्रस्तुत गर्दैछ।
प्रदेशसभा बैठकमा प्रदेशप्रमुख सुमित्रा भण्डारीले नीति तथा कार्यक्रम प्रस्तुत गर्ने कार्यक्रम रहेको छ।
मधेस नीति आयोगका उपाध्यक्ष सोहनप्रसाद साहका अनुसार, आगामी वर्षको नीति तथा कार्यक्रम कृषिलाई प्राथमिकतामा राखेर तयार पारिएको छ। साथै, शिक्षा, स्वास्थ्य, कृषि र रोजगारीलाई मुख्य प्राथमिकताका क्षेत्रका रूपमा समावेश गरिएको जानकारी उहाँले दिनुभयो।
