इस्लामाबाद: भारत र पाकिस्तानबीचको तनाव अझै अन्त्य हुने सङ्केत देखिएको छैन। दुबै देशले एक अर्काको सीमाक्षेत्र र सैन्य ठाउंसम्म आक्रमण गरिरहेका छन्।
पाकिस्तानले भारतको ‘अपरेशन सिन्दूर’लाई विफल पार्न महत्वपूर्ण सफलता हासिल गरेको दाबी सरकारी स्तरमा गरिएको छ। सरकारी प्रसारण संस्था पीटीभीका अनुसार पाकिस्तानले हालसम्म जम्मा ७७ भारतीय ड्रोन खसालेको छ।
‘मे ८ को साँझसम्म पाकिस्तानले २९ वटा भारतीय ड्रोन खसालेको थियो भने बिहीबार राति थप ४८ ड्रोन नष्ट गरिएको छ,’ पीटीभीले पाकिस्तानी सुरक्षा स्रोतको हवाला दिँदै उल्लेख गरेको छ।
पाकिस्तानी सुरक्षाकर्मीले भारतीय आक्रमणको ‘उचित जवाफ’ दिइरहेको दाबी समेत गरिएको छ।
