पोखरा: पोखराको लेकसाइडमा बाटोमा हिंडिरहेकी एक महिलालाई चक्कु देखाएर सुन र पैसा लुटिएको
छ । स्कुटर र मोटरसाइकलमा आएका व्यक्तिहरूले उनको साथबाट २ तोलाको सिक्री र १२ हजार रुपैया र ज्याकेट चोरेका हुन् ।
प्रहरीले तत्कालै घटनामा संलग्नहरूलाई पक्राउ गरेको हो । पोखरा १८ का ३७ वर्षीय देवन गुरुङ, १९ वर्षका रुचाल भन्ने हितमान सार्की, तनहुँको ब्यास घर भइ पोखरा ५ बस्ने १८ वर्षका अनिश भट्ट पक्राउ परेका छन् । उनीहरूको साथबाट ग ८ प ६९२४ नम्बरको स्कुटर र ग ११ प ९८२७ नम्बरको मोटरसाइकल बरामद भएको छ ।
यस्तै, सिक्री बेचेर बाँकी रहेको रकम १ लाख ३ हजार ५ सय पनि बरामद गरेको छ । उक्त सिक्री पोखरा ४ गणेशटोल बस्ने बिकास सुन चाँदी पसलका सञ्चालक नारायण प्रसाद बिक र एसपि मान्मा ज्वेलर्सका सञ्चालक प्रशान्त मान्मालाई पनि नियन्त्रणमा लिएको कास्की प्रहरी प्रवक्ता वसन्तकुमार शर्माले जानकारी दिए ।
उनीहरू सबैलाई चोरी तथा डाँका सम्बन्धी मुद्दामा ५ दिनको म्याद थप गरी अनुसन्धान थालिएको उनले बताए ।
