काठमाडौँ । शरीर र दिमाग दुवैलाई ताजा राख्न र दिनभरिको थकान हटाउन पर्याप्त निद्रा आवश्यक हुन्छ। तर, अत्यधिक सुताइले शरीरमा प्रतिकूल असर पार्न सक्छ। बढी सुत्दा गम्भीर स्वास्थ्य समस्यासमेत निम्तिन सक्ने विज्ञहरू बताउँछन्।
आजको व्यस्त जीवनशैलीमा धेरै मानिसहरूले सप्ताहान्त वा बिदाका दिनमा घण्टौँसम्म सुत्ने बानी बनाएका छन्। तर यस्तो बानी स्वास्थ्यका दृष्टिले लाभदायक नहुन सक्छ।
१. सुस्ती:
अत्यधिक सुत्दा शरीरमा सुस्ती महसुस हुन्छ। लामो समय सुत्दा शरीर भारी हुने र उर्जाहीन महसुस हुने समस्या आउँछ। पर्याप्त निद्रा लिएपछि पनि टाउको भारी हुने वा निद्रा पूरा नभएको जस्तो लाग्ने कारण पनि यही हो।
२. तौल वृद्धि:
दिनमा ९ देखि १० घण्टाभन्दा बढी सुत्ने मानिसहरूमा मोटोपनको जोखिम बढ्न सक्छ। बढी सुत्दा शरीरको गतिविधि घट्ने र क्यालोरी बर्न हुन रोकिने भएकाले तौल बढ्ने सम्भावना हुन्छ। यसले अन्य धेरै स्वास्थ्य समस्याहरू पनि निम्त्याउन सक्छ।
३. मुटु रोगको जोखिम:
९ घण्टाभन्दा बढी सुत्ने व्यक्तिहरूमा मुटु रोगको जोखिम बढ्ने सम्भावना हुन्छ। बढी सुताइले रगतमा चिनीको मात्रा र रक्तचापमा असर पुर्याउन सक्छ, जसले हृदयाघात वा स्ट्रोकको खतरा बढाउँछ।
४. टाउको दुखाइ र मांसपेशी समस्या:
लामो समयसम्म सुत्दा रक्तसञ्चारमा अवरोध आउँछ, जसले टाउको दुख्ने, शरीर दुख्ने र मांसपेशीमा तनाव हुने समस्या उत्पन्न गर्न सक्छ। कहिलेकाहीँ, लामो सुताइले मेरुदण्ड र घाँटीमा समेत असर पुर्याउन सक्छ।
(अस्वीकरण: यो सामग्री स्वास्थ्यसम्बन्धी सामान्य जानकारीका लागि मात्र हो। आवश्यक परेमा चिकित्सकको परामर्श लिनुहोस्।)
