काठमाडौं । अमेरिकाको न्यूयोर्क शहरमा प्रहरीले दुई मुस्लिम महिलाको हिजाब खोल्न लगाएपछि ती महिलाहरूले क्षतिपूर्तिस्वरूप १७.५ मिलियन डलर (२ अर्ब ३० करोड रूपैयाँ) पाउनेभएका छन्। प्रहरीले उनीहरूलाई पक्राउ गरेको थियो र उनीहरूको पूर्ण पहिचानको रेकर्ड बनाउन उनीहरूको हिजाब हटाउन लगाइएको थियो।
वास्तवमा, २०१८ मा दुई मुस्लिम महिला जमिला क्लार्क र अरवा अजिजले मुद्दा दायर गरेका थिए। यसमा उनीहरूले आफूलाई पक्राउ गरेपछि पहिचानका लागि आफ्नो फोटो खिच्ने बेला आफ्नो हिजाब हटाउन बाध्य पारिएको आरोप लगाएका थिए जसले गर्दा उनीहरूलाई लाज भयो । ती अपमानजनक क्षणहरू शब्दमा व्यक्त गर्न सकिँदैन। त्यतिबेला धेरै पुरुष प्रहरी र ३० कैदी थिए ।
क्लार्कलाई जनवरी ९, २०१७ मा गिरफ्तार गरिएको थियो, जबकि अजिजलाई अगस्ट ३०, २०१७ मा गिरफ्तार गरिएको थियो। क्लार्कका अनुसार उनका पूर्व पतिले नक्कली मुद्दा दायर गरेका थिए। त्यसपछि प्रहरीले उनलाई पक्राउ गरेको थियो । मुद्दा हाल्ने धम्की समेत दिएको थियो । यस्तै अर्को मुद्दामा अजिजलाई पनि आदेशका कारण पक्राउ गरिएको थियो । हिजाब नलगाउँदा भएको अप्ठ्यारोलाई लिएर दुवै जना पछि अदालत पुगेका थिए ।
