काठमाडौं: बंगलादेशमा बलात्कारपीडित आठ वर्षीया बालिकाको बिहीबार मृत्यु भएपछि देशभर हिंसात्मक विरोध प्रदर्शन सुरु भएको छ।
पीडितकी आमाले दिएको उजुरीअनुसार, मार्च ५ को राति मागुरा शहरमा दिदीको घरमा गएकी बालिका बलात्कृत भएकी थिइन्।
घटनापछि प्रहरीले अनुसन्धान अघि बढाउँदै बालिकाकी दिदीको श्रीमान, ससुरा, सासू र देवरलाई पक्राउ गरी हिरासतमा राखेको छ।
बिहीबार राति बालिकाको मृत्युको खबर फैलिएपछि आक्रोशित भीड घटनास्थलमा जम्मा भई उक्त घरमा आगजनी गरेको थियो।
मार्च ८ मा अस्पताल भर्ना गरिएकी ती बालिकाले राजधानी ढाकास्थित संयुक्त सैन्य अस्पतालमा छ दिनसम्म उपचारपछि ज्यान गुमाइन्।
