काठमाडौँ: चालु आर्थिक वर्षको साउनदेखि पुस मसान्तसम्म नेपालले ६ अर्ब १८ करोड रुपैयाँ बराबरको ४ करोड ६९ लाख किलो लसुन आयात गरेको छ। भन्सार विभागले यो अस्वाभाविक आयात भारततर्फ चोरी निकासीका लागि हुन सक्ने आशंका गरेको छ।
जानकारका अनुसार नेपालमा यति ठूलो परिमाणमा लसुन खपत हुन सक्ने अवस्था छैन। भारतीय बजारमा लसुनको मूल्य प्रतिकिलो ३०० देखि ४०० भारतीय रुपैयाँसम्म छ भने चीनमा नेपाली १५० रुपैयाँसम्म होलसेल मूल्य छ।
विभागका सूचना अधिकारी मुक्तिप्रसाद श्रेष्ठले अवैध निर्यातको आशंकामा अनुसन्धान भइरहेको बताए। औपचारिक च्यानलबाट निर्यात नभएको र अवैध निकासी पनि प्रमाणित नभएको तर सीमा क्षेत्रमा लसुन बारम्बार बरामद भएकाले आशंका बढेको उनले जनाए।
पाँच वर्षको तथ्यांक
लसुन आयात बर्सेनि बढ्दै आएको छ। आर्थिक वर्ष २०७६/७७ मा ३१ करोड रुपैयाँको लसुन आयात भएकोमा चालु वर्षको पहिलो ६ महिनामै ६ अर्ब रुपैयाँको लसुन आयात भएको छ।
तर निर्यातको अवस्था निकै कमजोर छ। पछिल्ला पाँच वर्षमा निर्यात शून्य प्रायः देखिन्छ।
स्वदेशी उत्पादनको अवस्था
नेपालमा करिब ९ हजार हेक्टर क्षेत्रफलमा वार्षिक ७२ हजार मेट्रिक टन लसुन उत्पादन हुन्छ। आर्थिक वर्ष २०७९/८० मा ९ हजार ५७० हेक्टर क्षेत्रफलमा ७३ हजार मेट्रिक टन लसुन उत्पादन भएको छ।
कुन वर्ष कति आयो लसुन ?
Fullscreen capture 232025 45223 PM
