काठमाडौं । अमेरिकाको अलास्कामा सूर्य अस्ताइसकेको छ। यस वर्षको अन्तिम सूर्यास्त नोभेम्बर १८ मा अलास्काको उटकियागभिक शहरमा रेकर्ड गरिएको हो। अब यहाँ आगामी ६५ दिनसम्म सूर्य उदाउने छैन।
यस अवधिलाई ‘ध्रुवीय रात’ भनिन्छ। उटकियागभिक अमेरिकाको सबैभन्दा उत्तरी शहर हो, जुन आर्कटिक सर्कलबाट करिब ४८३ किलोमिटर माथि अवस्थित छ। यहाँ झन्डै ४,६०० मानिसहरू बसोबास गर्छन्।
जाडोमा पृथ्वीको उत्तरी गोलार्ध सूर्यतिरबाट टाढा ढल्किने भएकाले डिसेम्बर आसपासका हप्ताहरूमा सूर्य उदाउँदैन। यस अवधिमा दिउँसो दक्षिणतिर हल्का गोधूलि मात्र देखिन्छ, र कहिलेकाहीँ उत्तरी प्रकाश (नर्दन लाइट्स) मात्रै उज्यालोको स्रोत हुन्छ।
उटकियागभिकमा अर्को सूर्योदय जनवरी २२, २०२६ मा हुनेछ। जाडोमा यहाँको तापक्रम प्रायः माइनस ३० देखि ४० डिग्री फरेनहाइटसम्म झर्ला।
गर्मीमा परिस्थिति उल्टो हुन्छ। मे महिनाको मध्यदेखि अगस्टको सुरुसम्म यहाँ सूर्य कहिल्यै अस्ताउँदैन, चौबीसै घण्टा उज्यालो रहन्छ।
