काठमाडौँ । नेपाली बजारमा मंगलबार पनि सुनको मूल्य घटेको छ। नेपाल सुनचाँदी व्यवसायी महासङ्घ का अनुसार आज सुनको मूल्य प्रतितोला ९ सय रुपैयाँले घटेको हो।
मूल्य घटेसँगै मंगलबार सुन प्रतितोला ३ लाख १ हजार ९ सय रुपैयाँ कायम भएको छ। यसअघि सोमबार सुन प्रतितोला ३ लाख २ हजार ८ सय रुपैयाँमा कारोबार भएको थियो भने आइतबार ३ लाख ५ हजार ८ सय रुपैयाँमा कारोबार भएको थियो।
महासङ्घका अनुसार आज सुन १० ग्रामको २ लाख ५८ हजार ८३० रुपैयाँ तोकिएको छ।
यता, चाँदीको मूल्य भने बढेको छ। मंगलबार चाँदी प्रतितोला २५ रुपैयाँले बढेर ४ हजार ८ सय ८५ रुपैयाँ पुगेको छ। सोमबार चाँदी प्रतितोला ४ हजार ८ सय ६० रुपैयाँमा कारोबार भएको थियो।
आज चाँदी १० ग्रामको ४ हजार १ सय ८८ रुपैयाँ कायम भएको महासङ्घले जनाएको छ।
