काठमाडौँ: नेपाली कांग्रेसले काठमाडौँ जिल्ला अदालतमा सहकारी रकम अपचलन तथा ठगी प्रकरणको थुनछेक बहसपछि अदालत परिसरमै वरिष्ठ अधिवक्ता दिनेश त्रिपाठीमाथि भएको दुर्व्यवहारप्रति गम्भीर ध्यानाकर्षण भएको जनाएको छ।
कांग्रेसले विज्ञप्तिमार्फत अदालतमा पक्ष र विपक्षका बीच बहस गर्ने अधिकार सबैलाई सुरक्षित रहेको उल्लेख गर्दै यस्तो घटना विधिको शासन र न्यायिक प्रक्रियाप्रति गम्भीर प्रहार भएको जनाएको छ। कांग्रेसका अनुसार कानुनी राज्य र न्यायपालिकाप्रति विश्वास राख्ने राजनीतिक दलका लागि यस्तो अराजकता र अवाञ्छित गतिविधि अस्वीकार्य छ।
पार्टीले उक्त घटनाको कडा शब्दमा निन्दा गर्दै दोषीलाई कानुनी दायरामा ल्याई कठोर कारबाही गर्न सरकारसँग माग गरेको छ।
