वासिङ्टन डीसी। अमेरिकी राष्ट्रपति जो बाइडेनले नवनिर्वाचित राष्ट्रपति डोनाल्ड ट्रम्पलाई बधाई दिएका छन्।
बुधबार टेलिफोनमार्फत ट्रम्पलाई बधाई दिएका राष्ट्रपति बाइडेनले उनलाई वाइट हाउसमा निमन्त्रणा गरेका छन्।
‘निर्वाचन शान्तिपूर्ण रूपमा सम्पन्न भएको छ। अब म सहज रूपमा जिम्मेवारी हस्तान्तरण गर्न चाहन्छु,’ बाइडेनले फोनमा ट्रम्पलाई भनेको उद्धृत गर्दै वाइट हाउसले जानकारी दिएको छ। ‘बाइडेनले ट्रम्पलाई वाइट हाउसमा आएर भेट गर्न निमन्त्रणा दिएका छन्।’
वाइट हाउसका अनुसार राष्ट्रपति बाइडेनले बिहीबार चुनावी परिणामको सन्दर्भमा देशवासीलाई सम्बोधन गर्ने कार्यक्रम छ।
