काठमाडौं । राष्ट्रिय स्वतन्त्र पार्टीका सभापति रवि लामिछाने नेतृत्वको प्रतिनिधिमण्डलले आज नयाँ दिल्लीस्थित भाजपा मुख्यालयमा उच्चस्तरीय राजनीतिक भेटवार्ता गर्ने भएको छ।
भारतीय जनता पार्टी (भाजपा) को निमन्त्रणामा भारत भ्रमणमा रहेका लामिछाने नेतृत्वको टोलीले आज भाजपा मुख्यालयमा शीर्ष नेताहरूसँग भेटघाट तथा राजनीतिक छलफल गर्ने कार्यक्रम रहेको छ।
भेटवार्तामा दुई देशका लोकतान्त्रिक शक्तिबीचको सम्बन्ध, दलगत अनुभव आदानप्रदान, राजनीतिक सहकार्य तथा आपसी सम्बन्ध सुदृढीकरणलगायत विषयमा छलफल हुने बताइएको छ।
सभापति लामिछाने पाँच दिने औपचारिक भ्रमणका लागि सोमबार भारत प्रस्थान गरेका थिए।
