काठमाडौं । पाकिस्तानका पूर्व प्रधानमन्त्री इमरान खानले भारत–पाकिस्तानबीचको हालको तनावबारे प्रतिक्रिया दिँदै देशप्रति आफ्नो समर्थन व्यक्त गरेका छन्। उनले भनेका छन्, “देश पनि मेरो हो र सेना पनि मेरो हो।”
सामाजिक सञ्जाल प्लेटफर्म एक्स (पूर्व ट्विटर) मा उनले लेखेका छन्, “भारतसँगको पछिल्लो तनावले फेरि एकपटक प्रमाणित गर्यो कि पाकिस्तान एक साहसी राष्ट्र हो।”
इमरान खानले दाबी गरे, “हाम्रा सैनिकहरूले सीमामा भारतीय प्रधानमन्त्री नरेन्द्र मोदीलाई पराजित गरेजस्तै, पाकिस्तानी जनताले विशेषतः सामाजिक सञ्जालमार्फत विश्वभर मोदी र आरएसएसको कथावाचनलाई असफल पारे।”
एक विज्ञप्तिमा उनले आरोप लगाए, “मोदी सरकारले पाकिस्तानमा बालबालिका, महिला, वृद्धवृद्धा र नागरिक प्रतिष्ठानहरूलाई लक्षित गर्दै कायरता प्रदर्शन गर्यो, जसको जवाफ पाकिस्तानी सेनाले पूर्ण शक्ति र सटीकताका साथ दिएको छ।”
बीबीसी उर्दूका अनुसार, इमरान खानले चेतावनी स्वरूप भनेका छन्, “मोदीले पाकिस्तानलाई आर्थिक रूपमा पनि क्षति पुर्याउने प्रयास गर्नेछन्। यस्तो अवस्थामा देशले एकताबद्ध र तयार रहन आवश्यक छ।”
