काठमाडौँ: नेपाल स्टक एक्सचेञ्ज (नेप्से) परिसूचक आज २८.९१ अंकले अर्थात् १.११ प्रतिशतले वृद्धि भई २,६१२.२० विन्दुमा पुगेको छ।
नेप्सेका तथ्यांकअनुसार, आज ३२८ कम्पनीका ८९,०८,८५१ कित्ता शेयर ५५,९३८ पटक खरिदबिक्री हुँदा कुल कारोबार रकम रु ४ अर्ब ४३ करोड २४ हजार ६०३ पुगेको छ।
आजको कारोबारमा सपोर्ट माइक्रोफाइनान्स वित्तीय संस्था लिमिटेड र सुपर मादी हाइड्रोपावर लिमिटेडको शेयर मूल्यमा सकारात्मक सर्किट लागेको छ। त्यस्तै, बाराही हाइड्रोपावर पब्लिक लिमिटेडको शेयर मूल्य ९.९९ प्रतिशत, बलेफी हाइड्रोपावर लिमिटेडको ९.९३ प्रतिशत, र नेपाल हाइड्रो डेभलपर्स लिमिटेडको ८.८६ प्रतिशतले वृद्धि भएको छ।
यता, मानुसी लघुवित्त वित्तीय संस्था लिमिटेडको शेयर मूल्यमा नकारात्मक सर्किट लागेको छ भने कूल ४२ कम्पनीको शेयर मूल्यमा गिरावट आएको छ।
नेप्सेका अनुसार, कर्पोरेट डेभलपमेन्ट बैंकको शेयर मूल्य ३.१६ प्रतिशत, पिपुल्स पावर लिमिटेडको २.३१ प्रतिशत, ग्लोबल आइएमई ब्यालेन्स्ड फन्ड–१ को १.९० प्रतिशत, र आत्मनिर्भर लघुवित्त वित्तीय संस्था लिमिटेडको १.८६ प्रतिशतले घटेको छ।
