काठमाडौ: नेपाल एसबिआई बैंक लिमिटेडले आफ्नो सामाजिक उत्तरदायित्व कार्यक्रम अन्तर्गत सर्लाही जिल्लाको हरिपुर नगरपालिका–७ मा बसोबास गर्ने मुसहर समुदायलाई लक्षित गरी अत्यावश्यक तथा शैक्षिक सामग्री वितरण गरेको छ।
बैंकका मधेश प्रदेश प्रमुख श्री उदय पञ्जियार थारुले एक औपचारिक कार्यक्रमका बीच समुदायका करिब ५० परिवार र बालबालिकालाई सामग्री हस्तान्तरण गर्नुभयो। उक्त कार्यक्रममा हरिपुर नगरपालिकाका प्रमुख श्री गोपाल पजियार, बैंकका पदाधिकारीहरू तथा नगरपालिकाका अन्य प्रतिनिधिहरूको पनि उपस्थिति थियो।
नेपाल एसबिआई बैंकले विपन्न तथा पिछडिएका वर्गलाई लक्षित गर्दै सामाजिक उत्तरदायित्व अन्तर्गत यस्ता सहयोग कार्यक्रमहरू निरन्तर सञ्चालन गर्दै आएको जानकारी गराएको छ।
नेपालमा ३१ वर्षदेखि सेवा प्रदान गरिरहेको नेपाल एसबिआई बैंकले हाल १०० शाखा, २२ एक्स्टेन्सन काउन्टर, २२ शाखारहित बैंकिङ सेवा, ७ प्रादेशिक कार्यालय, १२५ एटिएम र १ कर्पोरेट कार्यालयमार्फत आफ्नो सेवा विस्तार गरिरहेको छ।
