काठमाडौँ — चर्चित नेपाली गीत “आमैले भन्थे” को रिमेक संस्करण सार्वजनिक गरिएको छ। यो गीत Jerry On Top युट्युब च्यानलमार्फत प्रस्तुत गरिएको हो र चलचित्र “Jerry On Top” को साउन्डट्र्याकको रूपमा रिलिज गरिएको हो। गीतमा अभिनेता अनमोल केसी, अभिनेत्री आँचल शर्मा, र वरिष्ठ अभिनेता भुवन केसी को अभिनय देख्न सकिन्छ।
गीतको मूल संस्करणमा बिराज गौतम, राजेश पायल राई, र अन्नु ढकाल का स्वर रहेका छन्। शब्द र संगीत बृजेश श्रेष्ठ र बिराज गौतम ले तयार पारेका हुन् भने राहुल विश्वकर्मा ले म्यान्डोलिनमा साथ दिएका छन्।
Jerry On Top टिमले रिमेक संस्करण सार्वजनिक गर्दै मूल गीत र चलचित्र “Saino” टिमप्रति विशेष आभार व्यक्त गरेको छ। टिमले भनेको छ, “हामी हाम्रो रिमेक संस्करण सार्वजनिक गर्दै मूल गीतका संगीतकार रञ्जित गजमेर, गीतकार कुसुम गजमेर, निर्देशक उगेन चोपेल, र निर्माता मलती राई लाई हृदयपूर्वक धन्यवाद ज्ञापन गर्दछौं।”
चलचित्र “Jerry On Top” आगामी असोज ३१ (अक्टोबर १७) बाट देशभरका सिनेमा हलहरूमा प्रदर्शनमा आउनेछ। चलचित्रको निर्माणमा भविष्य खड्का, रोबिन शेरचन, रामकृष्ण श्रेष्ठ, दीपक भण्डारी, र अनन्या न्यौपाने रहेका छन्। कार्यकारी निर्माता अनिरुद्ध गिरी र ईश्वर श्रेष्ठ, सह–निर्माता नवीन घिमिरे र विवेक थापा, तथा क्रियटिभ निर्माता मोती कार्की हुन्।
चलचित्रको संगीतमा कालीप्रसाद बाँस्कोटा, एसडी योगी, जयान जे वाइबा, बृजेश श्रेष्ठ, र जोन चाम्लिङ राई का सिर्जनाहरू समावेश छन्। पटकथा विश्वस टिम्सिना ले लेखेका हुन् भने क्रियटिभ लेखकका रूपमा सैग्रेस पोखरेल र कास्टिङ निर्देशकका रूपमा रक्ष्या थापा कार्यरत छन्।
